Oct 02      –  Myit Masin Sumnung Shingdi Nna Shagrit Shanem Ai Wa Gaw Sumsing Mungdan Hta Kaba Dik Ai Wa Rai Nga Ai

Dai ni na Ja Chyum Mungga hpe hti sumru yu ai shaloi e, sumsing mungdan e kaba dik ai wa a lam na la lu ga ai. Ndai mungkan masat da ai madang gaw, kaba dik ai wa ngu ai shaloi e, jan mau lu ai, reng power ahkaw ahakng lu ai ni, lu su ai ni, awng dang nna, dan hkung ai ni, lam shagu hta hkum zup ai ni hpe tsun ai rai nga ai. Raitim chyum mungga hta e gaw ma kaji ni zawn re ai lai kyang galai nna, myit masin sumnung shingdi shagrit shanem ai wa gaw, sumsing mungdan hta e kaba dik ai wa rai nga ai. Ndai mungkan hte n bung nga ai ndai ma kaji ni zawn ngu ai hta, myit masin shagrit shanem ai, dingman ai, myit masin hpraw ningsam san tsawm ai, Madu Karai hpe tup hkrak kam hpa chye ai, shi Madu ra sharawng ai hte maren, tinang a prat hta e hkan galaw na ahkang jaw ai lam  rai nga ai.

Shingrai anhte ni mung lai kyang galai shai nna, dai zawn re ai atsam ningja ni hte, hpring zup nna, sumsing mung dan hta kaba dik ai ni byin hkra shakut sa ga. Madu Karai gaw anhte hpe garum shingtau na matu, Sin ai lamu kasa ni hpe tawn da ya sai re. Anhte ni galaw sa, myit yaw shada da ai lam shagu ni hta, Sin ai lamu kasa ni anhte hte a rau nga nga ai ngu ai hpe sadi kam hpa nga let, mara galaw na mahkrun lam ni hpe koi yen kau lu nna, mai kaja jaw htuk ai prat hkrun lam hta, hkawm sa lu na matu kyu hpyi let, shakut nga pra sa ga law.