Matsan mayan ni hpe ga baw hku nna galaw, lit la ra ai lam
99. Mungkan ting na Nawku hpung a prat hpe Aparecida Zuphpawng a chye na hkawn hkrang ai lam gaw sut su shangun ai, dai zuphpawng hta Latin American saradaw ni gaw, Nawku hpung a matsan mayan ni hpe ra sharawng ai lam gaw, “shi a matsan mayan ai lam hte anhte hpe sut su shangun na matu, anhte a matu matsan hkrum wa ai Karai Kasang hpe Hkristu masa hku kam sham ai lam hta lawm nga ai” ngu ai hpe asan sha tsun dan ma ai. Aparecida Document gaw, Nawku hpung a sasana magam hpe, n bung ai lam nnan ni hte mau hpa lam ni hte hpring tsup ai mungkan ting shinggyim nga pra masa hta, ya aten hta tawn da ai. Shanhte a Hpang jahtum na Mungga hta, sardaw ni ndai hku ka da ai: “Sut su ai ni hte matsan ai ni a lapran na grai shai hkat ai lam gaw, asak hkrung lam a sha ku, Kawa a shayi sha ni yawng a sha ku hpe garan gachyan lu ai sape ni tai na matu, grau nna ap nawng let bungli galaw na matu saw shaga nga ai, dai sha ku gaw hpaw da ai hte yawng hpe hkap la lu ai, dai kaw nna anhte kadai hpe mung ngam da ai hpe n ra sharawng ai. Matsan mayan ni a matu kabu gara shiga hkaw tsun ai ladat re.”
100. Dai aten hta sha, ndai Document gaw, Latin American episcopate a shawng na Conference ni hta tsun lai wa sai gabaw langai hpe la nna, shingdu tawn da hkrum ai wuhpung wuhpawng ni hpe kaga masha ni a maga kaw nna tsawra myit a matu n rai, shanhte a htunghking hpe hpan shalat lu ai subject ni hku nna sawn la ra ai lam hpe madi shadaw da nga ai. Tsun mayu ai gaw, dai zawn re ai wuhpung wuhpawng ni gaw, Kabu Gara Shiga hpe hkap la na ahkaw ahkang nga ai rai nna, shanhte a htunghking kata hta nga ai manu dan ai lam ni hte maren, shanhte a makam masham hpe shagrau sha-a, tsun shaga na ahkaw ahkang nga ai. Shanhte a matsan mayan hkrum sha ai lam gaw kaga masha ni n mu lu ai tengman ai lam ni hpe chye na hkam la lu ai atsam jaw ya ai; ndai lam a majaw, shinggyim wuhpawng gaw shanhte a ga hpe madat mara ra ai. Shanhte a “masha law law ra sharawng ai” makam masham hpe kaja ai hku mu mada ra ai Nawku hpung a matu mung dai zawn sha rai nga ai.
Aparecida Document kaw na kaja ai daw langai mi gaw ndai lam hpe myit sumru yu na matu hte anhte a jaw ang ai mahtai hpe karum ya lu ai: “Anhte hpe manang shatai ya ai hku hkau lam sha, dai ni na matsan masha ni a manu dan ai lam ni hpe sung sung chye na hkra galaw ya lu ai, shanhte a tara shang ra sharawng ai lam ni hpe, shanhte a makam masham hpe sak hkrung hkawm sa ai lam ni hpe sung sung chye na hkra galaw ya lu ai… Shani shagu, matsan masha ni gaw shanhte a shinggyim nga pra masa hpe chye na hkawn hkrang wa shangun ai. makam masham hta ma ni, jinghku jingyu ni hte htingbu ni a lapran matut manoi kahkyin gumdin lam hta shang lawm nna, Karai Kasang hpe tut nawng tam nga ai, Nawku hpung a hkrun lam hpe asak jaw ya ai Kabu Gara Shiga a nhtoi hta, shanhte zawn matsan mayan rai nga ai Hkristu a man hta anhte chye na ga ai, shi gaw shanhte hte rau ndai makam masham hpe n pawt nhpang gaw de shangun ai. shanhte a ahkaw ahkang hpe, makawp maga ya ra ai”