Daini na Ja Chyum Mungga hpe hti sumru yu ai shaloi e, Nawku Htingnu e Rai dut ai ni hpe Yesu gawt kau ai lam hpe na chye lu ga ai. Nanhte ni gaw, Karai Kasang a matu nawku htingnu ni rai nga myit dai. Dai ni nawku hpung gaw, St. John Lutaren nawku jawng dingshawn shang ap nawng ai poi ninghtoi hpe galaw nga ga ai. Ndai nawku jawng kaba gaw, moi prat hta e gaw gap da ai rai nna, (No.1) madang masat da hkrum nga ai. Grai hkik hkam tsawm htap ai nawku jawng rai nga ai. Ya daini e ndai poi hpe galaw ai lam gaw, Wa sarabyin hpe e kam hpa manoi manat ai,
Sadi nga ai, sarabyin hte e langai sha, maren sha re. Yawng kahkyin gundin ai lam a masat kumla rai nga mali ai. Nawku htingnu gaw san seng kaja ai. Dai nawku htingnu gaw, nanhte ni nan rai nga myit dai nga nna, Kasa Paulu sadi jaw shadum da sai rai nga ai. Shingrai Karai Kasang a wenyi shanu nga ai anhte a masin salum hpe, tut nawng e san seng hkra da ra ga ai. Bai anhte gaw kaga masha ni kaw e mung Karai Kasang shanu nga ai hpe, dum let hkungga la ra chye ra ga ai. Galoi e mung yawng hpe chye na madat mara ai. Shada da mung arau jawm pawng garum shingtau nga sa chye na mung tut shakut hkawm sa nga ga law.
Dai ni gaw Roma Mungdan na Lateran Nawku htingnu kaba a poi Ninghtoi shani rai nga ai. Anhte yawng Nawku htingnu a matu kyu ya nga ga law.