Daini na Ja Chyum Mungga hpe hti sum ru yu ai shaloi e, Karai Kasang a mungdan gaw masha ni a lapran e rai nga ai. Bai masha kasha a du sa ai lam ni hpe na la lu ga ai. Madu Yesu a tara lam ni a matu madung gaw, Karai Kasang a mungdan lam rai nga ai. Sumsing mungdan ngu ai gaw anhte ni mu lu ai lamik kumla ni hku nna, du sa wa na n re. Raitim Karai Kasang a mungdan ngu ai gaw, dingman ai, ngwipyaw simsa ai, chyoipra ai wenyi hta e kabu gara pyaw ai lam ni rai nga ai. (Ram 14:17)
Madu Yesu gaw, Sumsing mungdan a manu dan nga ai lam hte maren hkan sa shatup nga sa ai wa mung re. Shingrai, ndai yaw shada da ai lam hte maren, Karai Kasang a mungdan gaw, nanhte a ka ang e nga nga ai nga nna, Madu Yesu gaw, shi a lam hpe makoi magap ai hku tsan dan nga ai. Dai majaw anhte mung, Sumsing mungdan a kashu kasha ni byin tai mayu ai rai yang, Madu Yesu anhte hpe sharin ya ai hta n `ga, tinang hkum nan hkan sa taw nga ai sari sadang manu hte maren tut e madu a prat hta hkan nang shakut sa ra nga ga ai re.