Tsawra ai Nu Wa hpu nau ni, daini na Ja Chyum Mungga hpe hti sumru yu ai shaloi, Madu Yesu tsun ai gaw, kanu kawa sara ni a ga madat, hkan sa ai kashu kasha ni gaw, myit su ai, nga pyaw ai, hpaji chye wa ai. Dai majaw, ndai zawn re ai mai kaja ai, magam bungli ni hte yawng a matu akyu rawng ai magam bungli ni hpe, lu galaw lu na, ahkyak la nga ai. Ndai zawn yawng a matu kaja ai amu galaw lu na matu gaw Karai Kasang a ga madat nna, galaw sa chye na ahkyak nga ai re. Shingrai, Karai Kasang a ga madat nna, hkan sa galaw lu na matu gaw, Karai Kasang hpe teng sha tsawra ra ai, kam sham kamhpa ra ai. Ndai lam ni nga ai rai yang, Karai a tara lam ni hpe madat mara ai hte ta tut hta teng sha hkan sa galaw shakut ai rai yang, lani mi hta sumsing mungdan de shang lu na gaw teng sha re nga nna, Yesu ga matsun da sai rai nga ai.
Dai majaw ya kaw nna, Madu Yesu a ga hpe myit masin hta bang da let shani shagu hkan sa shakut nga ga law.
