Tsawra ai Nu Wa hpu nau ni, daini na Ja Chyum Mungga hpe hti sumru yu ai shaloi, Madu Yesu tsun shadum ai gaw, amu n galaw ai wa gaw shat mung n sha u ga.Wenyi lam hta e mung, sumsing mungdan du mayu ai wa gaw, tinang a hkum tinang nyet kau ra ai. Bai tinang a Udang hpai let shi a hpang hkan nang ra ai. Htani htana asak lu mayu yang, tara lam ni hpe hkan shatup ra ai.
Masha ni hpe tsawra matsan dum chye ra ai. Alu atan ni galaw ra ai, nga nna Madu Yesu tsun ai. Shaloi jang she tinang a yaw shada ai ban dung du na re. Ya ten yawng gaw myitru shoi hpa ni law la nga ai. Mungdan masa a majaw, hprawng koi yen hkawm ra ai. Lu na sha na myit pu ra ai hte sak hkrung nga pra sa ai hpe Karai Kasang gaw hkiba lit li hkrum ai ni Ngai kaw sa marit Ngai nanhte hpe ban sa jaw na nga, ga sadi hkam da nga ai. Anhte ni n dangdi lu ai hpe Karai Kasang hte sak hkrung hkawm sa let, lam shagu hta tawt lai lu hkra shakut hkawm sa nga ga law.
