(3rd Sunday of Lent, Cycle C), 2025
LUSHA GAM LADAW LABAN (3), C SHANING
(3rd Sunday of Lent, Cycle C), 2025
Hkristu hta tsawra hkungga ai nu wa hpunau ni ndai Laban gaw shaning C a Paska Ladaw hta Laban Masum rai nga ai.
Abraham Lincoln a prat mabyin hpe kachyi mi tsun dan mayu ai..Shi a asak sanit ning hta, shi a dinghku masha hte rau shi hpe tara Upadi hte seng nna nta kaw nna shapraw kau ai majaw, shanhte hpe madi shadaw na matu shi bungli galaw lai wa ai. Asak 9 ning hta kanu si mat ai. Asak 22 ning hta, shi gaw gat seng kaw na bungli shapraw kau hkkrum ai. Shi hkumnan tara ubade jawng lung mayu ai raitim, shi a hpaji lam gaw n kaja lai wa ai. Asak 23 ning hta, gat seng kaji langai mi hta patner byin na matu hkoi shap lai wa ai. Asak 26 ning hta, shi a hpaga yumga manang wa si mat ai majaw, hka kaba langai mi ngam tawn da ya ai, dai hka hpe wa na matu shaning hku aten jaw lai wa ra ai. Asak 28 ning hta, num kasha langai hpe mali ning tup hkan ngut ai hpang, shi hpe hkungran la na matu tsun lai wa ai. dai num gaw n kam ai ngu tsun lai wa ai. Asak 37 ning hta, masum lang numdaw hku na bai shakut ai shaloi, Congress de lata dangla hkrum ai raitim, lahkawng ning na ai hpang, bai lata dang na matu n lawn mat ai. Asak mali shi langai ning hta, shi a kasha asak mali ning re ai ma si mat ai. Asak mali shi manga ning hta Senate de shang ai raitim bai sum mat ai. Asak mali shi sanit ning hta, vice-president aya dang ai lam hta hkrat sum mat ai. Asak mali shi jahku ning hta, Senate de bai shang ai raitim bai sum mat ai. Asak 51 ning hta, Amerikan mungdan a gumsan magam hku nna lata san da hkrum lai wa ai. Abraham Lincoln gaw hpang jahtum e mungkan a ningbaw ni hta kasi la hpa ningbaw kaba langai hku nna masha law law masat da hkrum lai wa ai. Hkrat sum ai lam ni gaw Lincoln hpe galoi mung myit daw shangun ai lam n lu galaw lai wa ai. hpe mu lu ai.
Dai ni na Kabu Gara Shiga hta Madu gaw Tiberi nawng hkin-gau e Sape Sanit kaw dan pru dan ai lam rai nga ai. Myit daw myit hten ai hte myit ung ang nga ai majaw sape ni gaw Tiberi Panglai de nga n sa hkwi byin lai wa ai. Shanhte gaw, Madu hkang da ai hte maren, Shi dan pru na hpe ala na matu, Galile mung de du sa wa ma ai. raitim Madu dan pru na hpe lachyum n pru ai sha ala nga na malai, shanhte gaw akyu rawng shanhte a kan bau magam rai nga ai nga hkwi ai lam hku nna ala ai hku akyu jashawn lai wa ai. Hkrung rawt sai Madu gaw bungli galaw nga ai Sape ni hpe dan pru dan ai lam gaw anhte a matu ahkyak ai lam kaba ni hpe shadum ya nga ai.
1) Sape ni gaw Yerusalem mare hta hkrung rawt sai Madu hpe mu ngut ai hpang, Galile mung de bai wa nna, dai shara kaw Yesu shanhte hpe hkrum na lam matsun da hkrum ai. Petru gaw, tatut galaw ai wa re majaw, Madu dan pru na hpe dai hku sha ala nga na malai, nga hkwi sa na matu tang shawn lai wa ai. Shi hte rau Sape Marai 6 mung lawm nang ma ai. Shanhte dai zawn nga hkwi ai lam de bai galaw lai wa ai gaw hpaji rawng ai ladat mung rai nga ai. Hkristu hte hkrum katut na matu kaja dik ai hkyen lajang ai lam hte petru hta e mu lu na kaja dik ai myit masa gaw, kade kaji ai magam mi rai rai dinghta mungkan hte seng ai bungli langai mi hpe galaw nga ai lam mung rai nga ai. Nga hkwi ai wa a bu hpun palawng – hka madi nna dingsa ai hte maza nga ai nga sumgawn ni hte sanghpaw ni, hkrung rawt wa sai Madu a dan pru dan na hpe ala nga ai gaw kaja ai lam rai nga tim, dai shara gaw, Madu dan pru wa na hpe dai hku sha ala nga na hta grau nna, teng man ai lam rai nga ai.
hpang jahtum e Shanhte bungli sa galaw nna dai shara kaw hkrung rawt sai Madu hpe mu hkrum ai. Anhte mung, tinang hte seng ai lit magam ni hpe gun hpai ai ten hta Madu hte hkrum karut lu mai nga ai. Anhte a bungli gaw kade daram kaji nga ai rai tim, lam ntsa hkan maza hta ai hku, jak rung ni, rung ni, jawng ni, hkaja ai shara ni, shat gawk ni hta (sh) gara shara kaw mi raitim, Madu hpe anhte hkrum katut lu mai nga ai. San seng ai myit masin hte galaw ai rai yang Magam bungli yawng gaw chyoi pra nga ai, anhte hpe shachyoi shapra ya lu ai atsam mung nga ai.
2) Sape ni gaw shana tup shakut lai wa timung, hpa nga mung n lu lai wa ai. nga sumgawn hpe lang hte lang hkan jahkrat nna, sumgawn ni hpe kabai bang ai raitim hpa mung n lu ma ai. Shanhte a shakut shaja ai lam gaw kade daram akyu rawng nga ai kun! Jan pru wa hkyen du hkra shanhte sumgawn ni hpe jahkrat ai raitim hpa mung n lu lai wa ai. Dai hku nna Shanhte a myit htum wa ai shaloi, shanhte n htang da ai Yesu a nsen hpe na dat ai, “Ma ni e! Nanhte hta sha hpa nga lu ma ai kun? Shanhte gaw, ‘N lu ai, ngu nna htan lai wa ai. shana tup re majaw n- gun yawm ai hte Hkum hkrang hka madi nga ai hpun palawng ni, tsam wa sai sumgawn ni gaw anhte a prat hta law law lang hkrum sha nga ga ai. Raitim anhte hpe prat hta myit n daw na matu adu a saw shaga la hkrum nga ai. Hpang jahtum e sumgawng ni hpe jahkrat nna hpa mung n lu ai rai yang pyi, anhte gaw shakut nga dingyang rai ra ai.
Anhte a nga hkwi sumgawn ni hte sanghpaw li ni hta kaman sha byin nga tim anhte gaw Shi Madu a nsen hpe madat nna sumgawn ni hpe bai kabai bang ai shaloi sape ni nga law law agawn la lu ai zawn anhte a sumgawn ni mung, she nshang na daram nga ni hpe magawn la lu na re.
Hkristan magam bungli gaw jahkring hkring sha galaw ai ni a matu hpa akyu n pru ai zawn rai tim, anhte gaw Karai Kasang jaw ai magam bungli shagu hta atsam marai ngu na mai kaja ai kyang lai len ni hte shakut shaja hkan sa ai rai yang, jahtum e, Madu karai kasang a chyeju nhtoi hpe mu lu na gaw teng sha rai nga ai. Myi prwi hte gat hkai ai ni gaw kabu gara ai hte dan la na mara ai.
3) Yesu gaw si ai kaw na hkrung rawt sai rai nga ai. Shi gaw tsin-yam tsindam hte si hkrung si htan hpe hkrum ngut ai hpang katsan ga de yu sa ai, ya Shi gaw, tsaw dik htum ai shara hta nga nga sai. Ndai zawn mungsung lam ni madu da nga ai Hkristu gaw, matsan ai hte nga hkwi sha nga ai masha marai sanit a bungli hpe myit shang sha lai wa ai. Shanhte gaw tsam wa sai sumgawn ni hte rai nga ai kun kaman sha naw rai nga ai kun ngu hpe myit shang sha lai wa ai. Dai majaw shi madu gaw Hka hkingau ntsa e tsap let, myit tsang ai hte n sim nsa shamu nga ai panglai ntsa e shakut shaja nga ai sape ni hpe myit tsang pu ya nga ai.
Wenyi hte mungkan ga a lapran e kade daram kahkyin gumdin nga ai kun! Tsaw htum ai ni hte nem dik htum ai ni a kahkyin gumdin lam gaw kade daram rai nga a hka! tsawra ai mani e Nanhte hta nga langai ngai nga ma ai kun?’ ngu nna Hkrung rawt sai Madu a ga san hta grau nna, wenyi lam hte mungkan lam a kahkyin gumdin lam gaw laga ga shai hkat ai lam hpa mung n nga ai.
Anhte hte seng ai magam bungli shagu gaw, Yesu hte seng nga ai. Anhte a myit masin hpe zing la lu ai bungli kaba hpa mung Yesu a myit masin hpe zing la lu ai daram kaba nga ai. Anhte hpe bungli galaw na matu shaga la ai lam, kaji nna arawng n nga ai mi rai tim, Yesu a matsan dum myit gaw anhte hte rau nga nga ai. Shi gaw anhte hpe tsawra myit hte lanu lahku yu nga ai, anhte a shakut shaja ai lam hpe kabu gara ai hte janmau shagup ya na rai nga ai.
Akyu hpyi saga oh hpan madu Karai Kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.
Hkristu hta tsawra hkunggga ai kanu kawa tara hkaw sara ni hte nu wa hpu nau ni e ndai laban gaw paska ladaw hta lanban masum rai nga ai
Hti Ang Ai Ja Chym Mungga Ni Gaw –
-Chyum Mungga Daw ( I ) – Kasa Laika 5: 27-32, 40-41
-Chyum Mungga Daw ( II ) – Shr 5: 11-14
Kabu Gara Shiga – Yawhan 21: 1-19
Ndai jachyum mungga ni hpe hti nna myit sumru yu let hpawt ni na nawku daw jau lamang ni hpe woi nga ga law.
