Dt 8:2-3,14b-16a; I Cor 10:16-17; Jn 6:51-58)
Daini anhte gaw Hkristu a Hkum hte Sai (sh) “Corpus Christi” ngu ai poi hpe hkunga la ra galaw nga ga ai. Tsaban 13 lapran hta France mungdan kaw nna hpang wa nna, 1264 ning hta Wa Sarabyin Urban IV kaw na Nawku hpung ting madang de galaw sa wa ai rai nna, ndai poi gaw, Hkristu a hkum the sai hku nna Nawku hpung hta nga ngai hpe, madun dan ai lam rai nga ai.
Shinggyim masha ni a malu masha hpe sawk sagawn ai hta, lawu na ga si ni gaw grai teng man ai: “Nang sha ai gaw nang rai nga ai” ngu ai hte “kaja ai malu masha gaw hkum hkrang hpe n-gun jaw ya ai.” Anhte sha ai hkum hkrang malu masha gaw hkum hkrang hpe bau maka ya nga ai zawn, wenyi malu masha gaw anhte a wenyi hpe bau maka ya ai, hkyen lajang ya ai, htani htana prat tup makawp maga ya nga ai. Eucharist gaw Hkristu a hkum hte sai hku nna, wenyi hkam kaja ai hkum hkrang hta nga lu na matu htuk manu shangun ai sha n-ga, Karai Kasang a man e dan dawng na matu mung htuk manu nga ai.
Ahkyak ai lam:
1) Yesu anhte hpe jaw ya ai hpang jahtum na manu dan ai kumhpa lahkawng gaw, Chyoi Pra ai Laban shani hta anhte a wenyi malu masha hku nna Chyoi Pra hkum hte, Yesu a kanu Mari gaw, Good friday shani hta anhte a wenyi Kanu hku nna
2) Corpus Christi gaw, chyoira hkum hta anhte hte rau nga nga ai majaw, anhte a Madu the rau hpawng de nna chyeju dum na matu, tsawra myit rawng ai Karai Kasang Emmanuel – Karai Kasang-anhte hte rau –tut nawng nga nga ai hpe shagrau ai lam rai nga ai.
3) Yesu a Hkum the Sai Poi gaw, “Tengman ai hku nga nga ai” ngu ai ahkyak ai lam hte manu dan ai lam hpe grau chye na wa na aten hpe mung jaw ya ai rai nna, dai hpe manu shadan chye na matu hte grau kaja hkra galaw lu na matu hte Sakramentu kaw na akyu grau law hkra hkam la lu na matu rai nga ai.
Chyoi Pra hkum hta Yesu “Teng sha nga nga ai” ngu ai hpe anhte kam sham ai gaw1) Yesu gaw masha marai 5000 hpe mau hpa hku nna lusha jaw sha ngut ai hpang ga sadi jaw da ai majaw re. 2) hpang jahtum daw sha poi hta shi a hkum the sai hpe shabyin tawn da ai. 3) Yesu gaw shi a myit dum ai lam hta bai kahtap galaw na matu sape ni hpe hkang da ai. 4) “Karai Kasang hta n mai byin ai lam hpa mung n nga ai.”
Anhte gaw Chyoi Pra hkum hta Yesu a Tengman ai Hkrung nga ai lam hpe ndai hku sang lang dan mai ai: Aristotelian a myit sawn hpaji ga si “transubstantiation” ngu ai lachyum gaw, chyoi pra ai muk hte tsabyi n tsin hpe, jau, hkinjawng a ga hku nna, Chyoi Pra ai Wenyi a atsam hte, hkrung rawt wa sai Yesu a hpung shingkang rawng ai hkum the sai, wenyi the Karai de galai shai mat wa ai raitim( nsam, hkrang, manam pyaw ai lam etc.) ni gaw maren sha naw nga nga ai.
Chyum Laika hta sharin la lu ai lam ni: 1)Shawng ningnan daw 1 Tara Jahprang 8: 2-3, 14b-16a hta, Mawshe gaw Israela amyu masha ni hpe jaw ai mau hpa manna hku nna lusha lajang ya ai lam hpe “dum nna n malap kau” na matu matsun da nga ai. Nawku hpung gaw, Chyoi Pra ai Missa hkungga hku nna, Sakramentu lusha poi (Hpang jahtum daw sha poi) hte Yesu a Calvary hkungga hpe myit dum let, bai galaw nga ai. Daw Lahkawng hta, Pawlu gaw Korinhtu masha ni hpe shanhte garan gachyan ai Muk gaw, shanhte a buga hpung hpe mung hkrung rawt wa sai Hkristu a Hkum hkrang shatai ya ai Hkristu a Hkum hkrang majing rai nga ai hpe shadum ya nga ai. Dai ni na Kabu Gara Shiga hta, Yesu gaw shi hkum shi “sumsing lamu de nna yu hkrat wa ai hkrung ai muk” ngu nna tsun dan ai, dai hku nna nam mali na manna hte matut mahkai nga ai, dai shaloi shi a sape ni hpe, manna sha ai ni hte n bung ai sha, “ndai muk sha ai wa gaw htani htana hkrung nga na ra ai” ngu kam shangun ai.
Sakramentu hte hkungga nawng jau ai lam: Yesu gaw Chyoi Pra hkum hpe sakramentu poi the shagu hkungga hku nna shabyin tawn da ai.1) Sakramentu hku nna: a) chyoipra hkum gaw Karai Kasang a chyeju hte Shi a asak hpe jaw ya ai mu lu ai kumla rai nna, b) lusha langai hku nna anhte a wenyi hpe bau maka ya nga ai. 2) Hkungga hku nna: a) Hkum the sai poi gaw, Yesu a Hkrung rawt ai lam hta ngut kre ai, Kalvari ntsa na hkungga hpe bai madun dan ai (sh) bai galaw ai lam rai nga ai. b) Anhte a yubak mara ni hpe raw dat kau ya na matu, kumla hte masat dingsat ni hpe jai lang nna, Yesu a hkungga hpe Kawa Karai Kasang kaw nawng ya ga ai.
Prat hta hkam la mai ai lam ni:
1) Chyoi Pra ai hkum he sai hta Yesu “Teng sha nga nga ai” hpe manu shadan ga, anhte a yubak mara ni a matu teng sha myit malai lu ai, gingdan ai hku hkyen lajang ai hte hkungga lara ai hte Shi hpe Chyoi Pra ai missa hkungga hta nawku daw jau ai aten hpe jai lang let Shi hpe hkap tau la ga.
2) Hkristu hpe gun hpai ai ni hte -hkap la ai ni tai wa ga: Chyoi Pra ai Hkum hpe hkam la ai hku nna, tsawra myit, matsan dum lama ai, mara raw ya ai, shagrit shanem ai hte hkungga jaw ai hku nna, nta hte bungli galaw ai shara ni hta kaga masha ni hpang de Hkristu hpe htawn tsun na lit nga ai, Maria zawn Hkristu hpe gun hpai ai ni tai wa saga ai.
3) Yesu a hkungga hte rau tawn hkungri ntsa e anhte a asak hpe nawng ya nna, anhte a yubak mara ni hpe raw dat kau ya ai, hkam la lu sai shaman chyeju ni a matu chyeju dum ai lam tsun dan ai, anhte a ra kadawn ai lam ni hte hpyi nem ai lam ni hpe tawn hkungri ntsa e tang madun let, Chyoi Pra ai Hpung hta shi hpe gingdan ai hku hkyen lajang let hkap tau la ga.