N- Gun Shaja Sakramentu Hkam La
Myitkyina Jau Ginwang kata Sara gai wang lawk (9) na, N- gun shaja Sakramentu garat nhkam la lu shi ai Hpung masha Ma kaji marai (96), Masha kaba marai(78) yawng marai (174 ) ni gaw,
Dai hpawt hkying (8:00) am ten, San Columban Cathedral Nawku Jawng kaw Myitkyina Sasana a Sagu rem Wa Saradaw John Mung Ngawn La Sam, Wa Jau Bernard Dashi Tang Ji (Edin Ginwang Up) hte Wa Jau John Galang La Raw ( Myitkyina Ginwang Up) ni a lata hta N-gun shaja Sakramentu hkam la lu sai rai nga ai.
N- gun shaja Sakramentu hkam la na ni hpe shahta mi laman Tara laika sharin ya na Sanpoi htai ai hta laklai ningtawn ai ni,
No.1 kumhpa marai (4), No.2 marai (6), No.3 marai (9) hte laksan shagrau kumhpa marai (12) shagrau kumhpa hkam la lu sai.
N- gun shaja hkam la sai ni yawng Chyoi Pra ai Wenyi atsam hkam la let, Hkristu Madu hte bung wa na hte Nawku Hpung a n’gun rawng ai daw shan tai lu hkra anhte a hkyela Madu hpe kamsham tsawra let, htingbu wa hpe tsawra lu na lam hkan shatup nga mu.
May 12, 2025 (Monday)
