Manmaw Sasana Sagu Rem Wa, Wa saradaw Raymond Sumlut Gam, hpyen yen ni hte hkrum zup let Missa hkungga nawng ya ai shiga.

Wa Saradaw Raymond Sumlut Gam woi awn let, Mannaw, Manje, Nmawk hkan na hpyen koi yen hkawm mat nna, ya ten Myitkyina sasana de du taw nga ai hpung hting gaw (226), hpung masha marai (1010) a matu, dai hpawt hkying (10:30) am ten,, Edin San Luka Jawng wang hta e, Wa Saradaw Raymond Sum Lut Gam, Wa saradaw Francis Daw Tang, Wa Jau Ar Marr, Wa Jau Peter Chyauhpa Sunday Awng, Wa Jau Lawrence Jangma La Nu ni hku nna, Missa hkungga nawng ya sai rai nga ai.

Missa hkungga ngut ai hte Alu madu ni jaw ya ai n-gu, Sau, Jum malu masha ni hpe garan ya let, Edin hpung masah ni tsawra myit hte lajang ai malu masha ni hpe jawm sha let , daini na hpyen yen hpung masha ni hkrum zup let laban Missa hkungga nawng ya nawku daw jau ai kyu hpyi lamang hpe ngwi pyaw ai hte galaw la lu sai.