Myitkyina Jau Ginwang, Sasana Ma Hpung Komiti ( Missionary Childhood Association Of Myitkyina Parish) kaw nna woi awn let Sasana Ma ni matu Chyum Laika san htai lamang hpe  (8.10.2025) ya shani Myitkyina San Columban Cathedral Nawku Jawng wang, San Htawma Bawngring Htingnu, Saradaw Sasana Htap masum mungbawng htingnu ni hta galaw lai wa sai.

Ndai San htai lamang hpe kaji pang, kaba pang lahkawng garan nna galaw ai hta sasana ma ni yawng marai (101) tup shanglawm shingjawng lai wa sai lam Myitkyina Jau Ginwang Sasana Ma Hpung Komiti Ningbaw Saranum Rosa Magawng Chyem Hkawn tsun ai hku nna chye lu ai.

Kaji pang (asak 10-12ning) hta marai – 45, Kaba pang ( asak 13-15 ning) hta marai- 56  shanglawm shingjaw lai wa sai lam chye lu ai.

Shiga &Photos- Saranum Rosa Magawng Chyem Hkawn