October 15 hta galaw ai General Audience hta, Wa Saradaw Leo XIV gaw, lam shagu hta Yesu anhte hpe gara hku madi shadaw ya ai lam hpe myit sumru yu let, ndai tengman ai lam gaw, prat hta rawt jat galu kaba wa ai, hkrat sum ai lam ni hpe hkrum sha ai shaloi, anhte hpe shalan shabran ya nga ai, nga nna tsun ai.
Wa Sarabyin Leo XIV gaw, “Yesu Hkristu, Anhte a Myit Mada shara” ngu ai ga baw hte, Yesu hte rau hkrun lam hkawm ai gaw, prat hta yak hkak ai lam ni lapran, n-gun atsam nnan lu la ai lam hpe tsun da nga ai. Shinggyim masha ni a prat hta myit masin hta rawt jat galu kaba wa ai lam ni hpe shi yin la ai—anhte a kabu gara lam hpe ra sharawng ai lam gaw myit ru myit tsang lam, n hkam la lu ai lam, n hpring tsup ai lam ni hte hkrum katut wa yang mung hkap yin la ra ai. Sung ai myit ru myit tsang lam gaw, anhte a shadawn sharam ai lam ni hte grau kaba ai lam langai ngai hpe ra sharawng ai lam lahkawng hpe madun dan nga ai.
Ndai ra sharawng ai lam gaw n kaja ai lam n re ai sha anhte a hkrang shapraw ai lam a daw langai mi rai nga ai. anhte hpe n-gun kya shangun lam n re ai sha hkum tsup ai lam a matu lajang da ai re ngu Wa Sarabyin ahkyak shatai tsun da nga ai. Teng man ai myit dik lam gaw awng dang ai lam (sh) sutgan ni kaw na n re, anhte a sung htum ai myit mada lam ni hpe grau kaba ai jaw ya ai wa Yesu Hkristu kaw na madi shadaw ya nga ai ngu ai kam hpa myit kaw na lu la ai, nga nna wa sarabyin tsun ai.
Hkristan myit mada lam gaw, kaga myit mada shara hte n bung ai sha, lai wa sai aten na mabyin langai sha n rai, ya aten hta hkrung nga ai simsa lam hte n-gun atsam a npawt nhpang rai nga ai Hkristu a hkrung rawt ai lam a tengman ai hta ru jung nga ai. Yesu gaw, Hkrung rawt wa nna, mungkan prat a chyam dinglik lam ni hta anhte hte rau hkawm sa ai, lachyum hpe chye na na matu anhte a sharin hka ja ai lam hpe bai gram lajang ya ai, anhte langai hkrai n re ai hpe kam hpa lam jaw ya nga ai.
Yesu gaw anhte a manang the anhte a bandung mung rai nga ai hpe kam sham ai hpung masha ni hpe wa sarabyin shadum let tsun jahtum dat ai. Yubak mara hte nni nkri hkrum ai raitim, bai hkrung rawt nna Hkristu a hpang hkan nang na matu saw shaga hkrum ai rai nna, grin nga ai ngwi pyaw simsa lam hte hpring tsup ai asak hkrung lam de woi sa wa ai Hkristu a hpang hkan nang na matu saw shaga hkrum nga ga ai.
Yesu jaw ya ai gaw simsa lam sha nrai, anhte hpe “bai rawt wa na” hte “anhte a lagaw ntsa hta tsap ra ai,” lam hpe n-gun jaw ya ai. Hpa majaw nga yang, Hkrung rawt sai Hkristu gaw “anhte du wa na hpe pahkam jaw ya ai” hte “anhte hpe nta de woi sa wa ai, anhte hpe ala nga ai, tsawra ai, hkye hkrang la ai shara de woi sa wa ai.”