Wa Sarabyin Leo XIV gaw, 26 November General Audience hta, shinggyim prat a makoi magap da ai lam ni hte nhtan shai ai lam ni hpe madung tawnlet, myit mada lam hte seng nna matut sharin ya lai wa ai.
Prat Asak gaw Kumhpa hte Magam Bungli langai rai nga: Asak gaw manu jahpu n jaw ra ai sha jaw ya ai kumhpa rai nna, dai hpe anhte galoi mung n-gun bang, makawp maka ra ai. Prat a yaw shada lam gaw lam madun ai lam hte myit mada shara hpe tam ai lam rai nna, dai gaw jahtum na yaw shada lam de woi sa wa na matu karum ya nga ai.
Myit mada lam a lachyum: “Asak hkrung lam hta myit mada shara” ngu ai gaw bandung hpe tau hkrau chye na ai, n mu lu ai lam ni hpe kam sham ai, anhte hpe kabu gara lam a matu hpan da ai Kawa a tsawra myit hpe kam hpa ai ngu ai rai nga ai.
N kam sham ai ana zinli: Mungkan gaw prat asak hpe kam hpa ai lam n nga ai majaw, fatalism hte resignation de du wa ai. Asak hkrung na matu nden marai ra nga ai, Yesu a asak hkrung lam gaw grau nna myit daw myit hten ai ni a matu myit mada shara hpe bai gram lajang ya lu ai lam hpe madun dan nga ai.
Karai Kasang asak jaw ya ai masing hta shang lawm ai: Karai Kasang gaw shinggyim masha ni hpe Shi a asak jaw mayu ai myit hta shang lawm na matu shaga la ai, grau nna num la lapran na tsawra myit rai nga ai. Ndai hta asak hpe shalat ai lam lawm ai “Shi a hkrang sumla hte maren, ngu ai gaw tsawra myit kaw na hte tsawra myit hta.”
Nhtan shai ai lam hte Shanglawt dat ai Lam: Shinggyim masha ni a hku hkau lam hta nhtan shai ai lam ni nga ai, hpa majaw nga yang anhte a lawt lu lam gaw kaga masha ni hpe hkrit tsang hpa (sh) shingjawng manang hku mu mada shangun lu ai majaw re.
Karai Kasang a sadi dung ai lam: Shinggyim masha ni hta hkrat sum ai lam ni nga tim, Karai Kasang gaw shi a masing hta sadi dung let, anhte hpe zingri zingrat ai lam, garan ginhka ai lam ni kaw nna tut nawng sharawt la nga ai.
Hpang jahtum: Asak hpe shalat ai ngu ai gaw, “Asak a Karai Kasang” hpe kam hpa nna, shinggyim masha hpe tsun shapraw ai lam yawng hta, grau nna “kanu hte kawa prat a mau hpa hkrun lam hta.” Anhte a myit mada shara hpe hpang jahtum e Hkristu a hkrung rawt ai lam hpe yu nna mu lu ai, shi gaw anhte hte rau hkawm sa nga ai.