Lusha gam ladaw a shawng na Laban shani hta, Wa Sarabyin Leo XIV gaw, Lusha gam aten a galai shai wa lu ai atsam hpe madung tawn nna, Angelus mungga hta tsun shaga lai wa ai. Mahte a Kabu Gara Shiga hpe lakap nna, shi gaw Lusha gam aten hpe myit n pyaw ai aten hku n rai, Karai Kasang a ta maka langai byin tai wa na matu “nhtoi htoi ai lam” ngu nna masat hkam  la ga nga shadum n-gun jaw lai wa ai.

Shinggyim masha ni a shakut shaja ai lam hte Hkristu a kasi ningli

Wa Sarabyin gaw, Yesu nam mali kata nhtoi mali shi ya tup nga ai aten hta, Hkristu gaw “shi a shinggyim prat hpe hkam sha ai aten re ngu nna madi madun da ai. Kaw si hpang gara ai hte nat a gunglau ai lam ni hpe hkam sharang ai nna, hkalem hkalau ai lam hpe gara hku ninghkap lu na, akyang lailen hte seng ai lam ni hpe gara hku dang manga lu na hpe Hkristu gaw kasi madun dan nga ai.

Lusha gam ladaw hpe “Nhtoi Lam” hku masat hkam la ga

‘Penance’ mara dan hpe shayawm kau ya ai lam langai hku mu mada na malai, shinggyim masha ni a mahkrum madup hpe sut su shangun nna san seng shangun ai ngu wa sarabyin tsun shadut da ai.

Yaw shada ai lam: Karai Kasang hpe “mara a hkala nba ningma ni hpe shamai ya na” ahkang jaw nna, anhte a prat hpe “tsawra hte myit hpring tsup hkra” shapan shalat na matu karum ya uga.

The Tools (Lakung lakap ni): Akyu hpyi ai, lusha gam ai, alu jaw ai lam ni gaw wenyi makam masham kunghpan lam hta Karai Kasang hte rau jawm galaw na matu madung ladat ni rai nga ai.

“Gawngkya lam a malai” hpe Tengman ai Kabu Gara Lam hte galai shai ai

Mungkan a gunglau lam ni gaw Karai Kasang a kabu gara lam a matu “gawng kya lam” ni sha rai nna, hpang jahtum e masha ni hpe n sim nsa shangu ai hte Kaman li la tawn da ai lam re hpe Wa Sarabyin sadi jaw da nga ai. Karai Kasang hpe ap nawng nna kaga masha ni hte kanawn mazum ai hta sha teng man ai kabu gara lam lu la na hpe ahkyak shatai tsun da ai.

Kam sham ai ni a matu tatut galaw mai ai lahkam ni

Ndai Lusha gam ladaw hta teng sha shang lawm lu na matu, Wa Sarabyin gaw lawu na tatut sak jaw, apnawng ra ai lam ni hpe tsun shadut da ai:

Digital fasting (phone, social media hpe gam ai lam): Azim sha hte Karai Kasang a mungga hpe madat mara na shara hpe shabyin ya na matu, Television, Radio, Cell Phone ni hpe pat kau ra ai.

Active Listening (Atsawm sha madat ai): Kun dinghku hte buga masha ni hte ni htep ai hku matut mahkai lu ai.

Charity( shinggyim nauna tsawra myit): Asak kaba sai ni, matsan mayan ni, machyi makaw hkrum ai ni hpe madi shadaw na matu myit maju jung ai ndai lam ni rai nga ai.