Masha langai a prat hta Yesu hkrung nga ai hpe gara hku chye lu na kun? Mahtai gaw asan sha rai nga ai, dai masha wa gaw Yesu a sharin achyin ai lam hte sak hkrung nga ai rai yang, dai wa a prat kata hta Yesu gaw hkrung nga ai ngu nna shim lum ai hku dawdan lu na re. Ndai gaw madung hku nna, masha langai a prat hta Yesu hkrung nga ai kun ngu ai hpe gara hku chye lu na ngu ai masat masa rai nga ai.

Kabu gara shiga hta Magdalena Maria hte kaga Maria gaw Yesu a lup hpe sa yu ma ai. Raitim shanhte hpe lamu kasa langai mi gaw Shi hkrung rawt sai majaw Shi n nga mat sai lam tsun dan ai. Dai hpang kalang ta shanhte a myit masin gaw wan hkru nga sai rai nna grai kabu gara nga ma ai.

Ndai hku anhte byin tai wa ra ai mung anhte a myit masin gaw hkrung rawt sai Yesu a matu galoi mung wan hkru nna kabu gara nga ra ai. Dai majaw Yesu a prat hte sharin achyin ai lam ni hpe anhte sak hkrung ra ai hpa majaw nga yang ndai gaw anhte a kata hta Yesu hkrung nga ai ngu ai hpe gara hku chye na hkawn hkrang wa hkra galaw na ngu ai kaja dik ai ladat rai nga ai.

Raitim, mahtai jaw ra ai ga san kaba gaw ndai rai nga ai: Yesu gaw anhte a myit masin hta teng sha hkrung nga ai kun? Yesu gaw anhte a myit masin hta hkrung nga sai rai yang, kaja ai hte hkrak nga ai. Dai hpang ya gaw Yesu a sharin achyin ai lam ni hpe sak hkrung hkawm sa na ngu ai hpang na daw de sa wa ga ai. Ndai lam hpe anhte a asan sha, shagrit shanem ai, sumnung shingdi ai prat hku nna kaja dik htum galaw lu na re.

Madu hpe shakut shaja tam ai ni Madu hpe mu lu na matu hkrung rawt sai Hkristu hte hkrum zup na matu yaw shada ra ai. Chyoi Pra ai Missa hkungga hta kam sham myit majing hte shang lawm nna Madu hte hkrum zup na matu tam nga ga ai kun?