Wa Sarabyin Leo XIV gaw, March 25, 2026 ya shani hta Sarah Mullally hpe Canterbury a Ginwang up Saradaw kaba aya dang ya ai lam hte seng nna, shi a akyu hpyi ga ni hpe kam hpa ai lam hte, Kahtawlik hte Anglican ni a lapran “teng man ai hte tsawra myit” hta matut nna bawngban hpawng galaw na matu n-gun jaw ai shiga hpe sa dat ai lam hpe chye lu ai.
Kahtawlik hte Anglican hku hkau lam hta rawt jat galu kaba wa ai lam hte yak hkak ai lam lahkawng yan hpe hkap la nna, 1966 ning hta Wa Sarabyin Paul VI hte Michael Ramsey yan a labau shang hkrum shaga ai lam hpe bai myit dum let, Anglican-Roman Kahtawlik Mungkan Commission a bungli ni lawm ai, jawm galaw ai prat nnan hpe hpaw hpang da lai wa sai.
Kashin kamun baptism gaw Hkristan ni hpe hpunau nauna ni zawn kahkyin gumdin shangun ai hpe ahkyak shatai tsun da ai. Wa Sarabyin gaw, htinglu htinglai ai Hkristan sakse hkam ai lam gaw Kabu Gara Shiga hkaw tsun ai lam hpe n-gun shaja ya ai ngu ai hpe madi madun let, matut manoi bawngban hpawng galaw na matu hte kahkyin gumdin lam hpe tsun shadut da nga ai.
Ndai shiga hpe 1966 ning hta galaw ai zuphpawng 60 ning hpring masat dingsat lamang hpe myit dum galaw ai nawku daw jau lamang hta tsun shapraw sai rai nna, yak hkak ai lam ni nga tim Hkristan kahkyin gumdin lam hpe matut manoi galaw sa wa na hpe kam hpa ai lam hpe mung tsun da ai alm hpe chye lu ai.
