Kahtawlik Nawku Hpung, Myitkyina Saradaw Ginwang, Myitkyina Jau aseng, Tatkone San Pya lawk, St. Gabriel Nawku Jawng hta 18/9/2026 ya shani 9:00am ten hta Tatkone San Pya hte Tatkone Htoi San Sara lawk hta na MARIA A LEGION HPUNG HPAW AI laning mi hpring chyeju dum Misa hkungga akyu hpyi ai lam hpe Wa Saradaw John Mung Ngawn La Sam hte Wa Jau ni woi awn galaw lai wa sai.
Tatkone San Pya hte Tatkone Htoi San Sara lawk hta na MARIA A LEGION HPUNG HPAW AI laning mi hpring chyeju dum Misa hkungga hta Myitkyina, Shatapru,P L N, Namti, Mogaung hte Hpakant hkan na MARIA A LEGION HPUNG malawm hte hpung masha 700 jan sa du shanglawm lai wa sai.
MARIA A LEGION HPUNG HPAW AI laning mi hpring chyeju dum Misa hkungga ngut ai hpang Wa Jau Joseph Gawlu La Doi kaw nna Nu Maria hte seng ai lam hpe hkaw tsun lai wa sai.
Tatkone San Pya hte Htoi San Sara lawk hta na MARIA A LEGION HPUNG hpe Wa Saradaw John Mung Ngawn La Sam ninggun jaw matsun ya ai hte maren Wa Jau John Galang La Raw a lam woi ya nna, Karai Kasang a chyeju hte lai wa sai 17/9/2025 hpaw hpang la lu sai rai nga ai.
Tatkone San Pya hte Htoi San Sara lawk hta na MARIA A LEGION HPUNG hpaw ai laning mi na lapran hta ten tup hpung shang masha marai -(90), hpung shang na matu shajin nga ai marai –(96) hte ga sadi hkam la hpung shang masha marai (52) nga nna laning mi na lapran hta galaw la lu ai lam ni gaw machyi masha garum ai (39) lang, kaga hpung hpe yu gawan ai (5)lang, tsi rung tsi gawk gawan garum (15) lang, dum nta de sa du gawan garum ( 42) lang, Nawku hpung poi hta shanglawm (12) lang, ra mara akyu hpyi hpawng hta shanglawm (21) lang, yawn hkyen poi hta garum (27) lang galaw lai wa sai lam chye lu ai.
