Shani shagu na prat hta akyu hpyi ai lam gaw ahkyak ai daw langai mi rai kun? Akyu hpyi ngut ai hpang hpa galaw ai kun? Na a akyu hpyi ga ni a mahtai sumsing lamu kaw na hkrat wa na hpe sha yup taw let la nga ai kun?

Dai ni na kabu gara shiga gaw, dai hte maren galaw ai lam ni hte rau, n-gun dat akyu hpyi ai lam ni hpe madun dan nga ai.  kabu gara shiga hta, tara agyi wa kaw na shi ra sharawng ai hpe n lu la shi yang, tara rap ra ai dawdan lam hpe tara agyi wa kaw nna kalang lang hpyi shawn ai, shakut shaja ai gaida jan langai mi a lam Yesu tsun dan ai ga shadawn langai mi nga ai.

Anhte akyu hpyi ai shaloi Karai Kasang a man e shagrit shanem ai hku nna, Karai Kasang anhte hpe jaw ya lu ai shadawn sharam n nga ai shaman chyeju ni hpe shagrit shanem let hpaw ya ai. Anhte ayan akyu hpyi ai shaloi Yesu hpe grau sung sung chye wa ai. Anhte gaw Yesu hte jinghku hku ai sha n-ga, Shi hte grai ni htep ai jinghku ni tai wa ai, dai hku nna Yesu gaw anhte a prat hta ahkyak ai daw langai mi tai wa ai.

Akyu hpyi ai lam hpe anhte a shani shagu na anhte a prat hta lawm hkra galaw u, dai shaloi Yesu gaw anhte  hte rau galoi mung nga nga ai ngu hkam sha lu na re. anhte hte galoi mung akyu hpyi ga langai mi sha tsun nga ai shaloi Shi hte anhte a hku hkau lam grau sung wa ai hpe mung anhte mu lu na re. anhte akyu hpyi ai shaloi anhte mung anhte a prat hta Yesu nga ai hpe galoi mung kam hpa, mu lu na ga ai.

Yesu hte rau aten shagu n’nga mayu ai kun? Dai majaw anhte gaw akyu hpyi chye ra ai.