Daini na akyu hpyi sumru yu na ga baw hpe: “The Spirit and the Heart, Wenyi hte Myit masin salum,” ngu nna la ga.
Shawng nna chyum ga hpe madat la ga,
“Nanhte a hkum hkrang gaw, Karai Kasang kaw nna nanhte lu la ai the, nanhte hta e rawng nga ai Chyoi Pra ai Wenyi a nawku htingnu rai nga ai, nanhte n chye nga myit ni? Nanhte gaw nanhte a hkum a uphkang madu nre nga ai, nanhte hpe manu jahpu daw nna mari da ai ni she re nga ai nga nna 1 Korinhtu 6:19 hta mu lu nga ai.
Wenyi hte myit masin a kanawn mazum ai hta, law htam ai asak jaw ya nga ai. Wenyi tsun shaga ai gaw anhte a myit masin re. Dai Wenyi gaw Anhte a myit masin hpe tsawra myit, kabu gara lam, simsa lam, myit mada lam ni hte hpring tsup shangun ya nga ai. Shi nga ai anhte a myit masin rai nga ai. Wenyi hte myit masin lapran na kanawn mazum lam hpe hkap la ai gaw, law htam ai asak hka hpawk de hpaw ya ai lam rai nga ai. Wenyi hte anhte hta byin pru wa ai kahkyin gumdin lam hpe grau chye na hkra tam let asak hkrung lam gaw Karai Kasang anhte hpe jaw mayu ai yawng hpe hkam la lu na matu anhte hkum hta anhte shara jahkrat da ai lam rai nga ai.
1 Korinhtu 6:19–20 hta, “Nanhte a hkum hkrang gaw, Karai Kasang kaw nna nanhte lu la ai the, nanhte hta e rawng nga ai Chyoi Pra ai Wenyi a nawku htingnu rai nga ai, nanhte n chye nga myit ni? Nanhte gaw nanhte a hkum a uphkang madu nre nga ai, nanhte hpe manu jahpu daw nna mari da ai ni she re nga ai. Ya anhte hkam sha nga ai hta grau kaba ai Karai Kasang hte kanawn mazum ai madang hpe Chyum Laika hta tsun da nga ai. Yesu si ai shaloi Karai Kasang gaw ntsa kaw nna lawu du hkra nba magap hpe lahkawng garan kau ya ai lam Chyum Laika hta tsun da nga ai. Yesu garai n si shi yang, Karai Kasang a hpung shingkang gaw nawku htingnu kata kaw sha nga ai. Ya gaw Yesu a hkungga jaw ai a marang e anhte gaw Karai Kasang a nawku htingnu tai wa saga ai. Ya anhte gaw Chyoi Pra ai Wenyi hta anhte a Hpan Madu hte kahkyin gumdin nga sai.
1 Korinhtu 6:17 hta “Madu hte matut manoi nga ai wa chyawm gaw, shi hte wenyi langai sha rai nga ai” nga nna tsun da nga ai. Roma 8:9 hta “nanhte hta Karai Kasang a Wenyi rawng nga myit yang gaw, hkum shan hta n rai, Wenyi hta sha nga nga myit dai” nga nna tsun da nga ai. Karai Kasang anhte a myit masin hta nga ai ngu tsun ai gaw, ga shadawn sha n’re. Nang kam sham ai wa rai yang, dazik shakap nna Chyoi Pra ai Wenyi hte hpring chyat nga sai. Nang gaw Karai Kasang hte tut nawng kanawn mazum nga ai. Ngam ai gaw, Sumsing Kawa hte nang lu la ai ndai mau hpa, shingra tara hta grau ai kahkyin gumdin lam hpe chye na ai lam hta rawt jat wa na matu rai nga ai.
Wenyi gaw nang hte kade daram ni htep ai hpe hpaw shadan dan mayu ai. Shi dan dawng re nga ai hpe nang grau chye na hkra galaw mayu nga ai. Shi gaw nang hpe woi awn na, tsun shaga na, jahpring ya na, myit dik shangun na, shamai shatsai ya na, lawt lu shangun na, n-gun jaw na ndai the wa mi ting hpe nang hpe jahpring ya mayu nga ai. Shi hta na myit masim gaw lawt lu lam hte shim lum lam hpe mu lu na hkam la na matu shi ra sharawng nga ai. Shi gaw na a kaja htum manang, nrum ntau, Sharin sara tai ya mayu nga ai.
Karai Kasang a ni htep ai lam hpe grau nna hpaw shadan dan lu na matu, akyu hpyi let dai ni aten la u. Shi hte grau kahkyin gumdin nga nga na matu Shi hpe grau chye na wa na matu mung hpyi nga u. Na a aten mahkra hpe Karai Kasang a nga nga ai hte tsawra myit kabu gara let nga sa nga au.
Ya asim sha nga nna myit sumru yu nga ga.
1. Chyum Laika hta Wenyi hte myit masin hte seng nna tsun da ai lam ni hpe myit sumru yu u. Chyoi Pra ai Wenyi hte nang hta nga sai kanawn mazum lam hpe myit sumru yu u. “Nanhte a hkum hkrang gaw, Karai Kasang kaw nna nanhte lu la ai the, nanhte hta e rawng nga ai Chyoi Pra ai Wenyi a nawku htingnu rai nga ai, nanhte n chye nga myit ni? Nanhte gaw nanhte a hkum a uphkang madu nre nga ai, nanhte hpe manu jahpu daw nna mari da ai ni she re nga ai nga nna 1 Korinhtu 6:19-20 hta mu lu nga ai.
2. Shi hte ni htep ai lam hpe grau nna hpaw shadan dan na matu Chyoi Pra ai Wenyi kaw hpyi nem u. Karai Kasang hpe na a myit masin hpe hpaw nna shi nga nga ai hpe hkap la u. Shi gaw na a myit masin hte kade daram ni htep ai hpe sawn nga u.
3. Karai Kasang a man e ban sa ai. Karai Kasang a dan dawng mi rainga nga ai lam hta npawt tawn ai tengman ai lam nnan hpe na a kata e gawgap na matu shi hpe ahkang jaw u.
Dai ni nang galaw ai lam shagu hta Wenyi hpe hkap la na ahkang jaw u. Shi a man hte tsawra myit hta tut nawng asak hkrung na matu shakut u. Karai Kasang hte rau nga na matu n’shakut ra ai. Shi hte hkrum na matu n’shakut ra ai hpa majaw ta nga jang gaw Shi gaw nanhte hte rau rai nga sai. Shi gaw nang hta nga nga sai. Ngam ai gaw, shi hpe aten langai hpang langai, na a myit masin hpe asan sha hpaw dan na sha ra nga ai. Karai Kasang nang gaw garan taw ai zawn hkum asak hkrung. Shi hte tsan ai zawn hkum ga shaga, hkum nawku. De a malai, Chyum Laika a nhtoi hta asak hkrung nna, shi a makau grup yin shi a man hta nang a matu shi jaw da ai law htam ai asak yawng hta sak hkrung nga u. Karai Kasang a n-gun ja ai, tut nawng, n-htum n-wai, hkum tsup ai tsawra myit gaw nang hpe galai shai ya nga u ga. “Na a man e kabu gara ai the hpring tup nga ai nga nna ” Shakawn Kungdawn 16:11 hta ka da nga ai.