Acts 8:5-8, 14-17, I Pt 3:15-18, Jn 14:15-21
Dai ni gaw Paska ladaw hta kru ya ngu na Laban shani rai nga ai. Pentekoti poi de du wa ai hte maren, Nawku hpung gaw, Tara kasa du sa ai hpe shagrau sha-a na matu saw shaga nga ai. Kabu gara shiga hkaw tsun ai hta anhte hpe n-gun jaw ya ai tengman ai Wenyi hpe shagrau sha-a na matu shi anhte hpe shaga nga ai. Anhte htawn tsun ai shiga gaw masu ai n re ai hpe shadum ya nga ai.
Daini na Kabu Gara Shiga hta, Yesu a prat hpang jahtum daw hpe ka da nga ai. du wa na Ascension lamu de lung wa na lam hte Pentecost poi ni hpe tau hkrau myit mada lu na matu, myit mada lam jaw ya nga ai. Kawa kaw nna Chyoi Pra ai Wenyi hpe shangun dat ya na ngu ai ga sadi hpe anhte na lu ga ai. Easter Liturgy gaw anhte a tsawra myit rawng ai Karai Kasang a tsawra myit, hkye hkrang la ai lam lahkawng yan hpe hkam sha shangun ai, “hkrung rawt ai amyu ni” hku nna hkam sha shangun ai. du sa na Chyoi Pra ai Wenyi a n-gun atsam ra nga ai hpe mung shadum ya nga ai. Shi gaw anhte a Tara kasa hte Hpaji jaw ai wa hku nna du sa ai Shi gaw anhte hkawm sa ra ai lam hpe sumnung shingdi ai hku madun dan na, anhte gram lajang ra ai lam ni hpe madun dan na, matut nna jep joi (sh) yu lanu lahku ra ai anhte a hku hkau lam ni hpe hpaw shadan dan na re. Dai majaw, Easter kaw nna Pentecost du hkra, chyum mungga ni gaw, Yesu shi a sape ni hpe jaw da ai ga sadi ni, grau nna, Kawa kaw nna Yesu shangun dat na Chyoi Pra ai Wenyi a ga sadi ni hte, Shi du sa ai a akyu ara ni hpe, moi na kasa ni a hkye hkrang la ai Kabu Gara Shiga hkaw tsun ai hta madun dan ai lam ni hpe madung tawn nna, myit maju jung nga ga ai. Daini gaw, Chyoi Pra ai Wenyi gaw kadai re ai, Shi hpa galaw ai, anhte a shani shagu na sak hkrung lam hta Shi hpe gara hku hkam sha ai ngu ai myit ung ang ai ga san ni a mahtai ni hpe jaw ya nga ai.
Daw 1 hta, Chyoi Pra ai Wenyi gaw, Deacon Hpilip hpe, Samari masha ni law law hpe n-gun ja ai hku hkaw tsun nna, myit malai lu hkra karum ya ai lam hte, Petru yan Yawhan hpe namman chya ya ai nna, Chyoi Pra ai Wenyi karum ya ai lam hpe tsun da ai.
Daw Lahkawng hta, Chyoi Pra ai Wenyi gaw anhte kam sham ai ni hpe ninghkap ai lam ni hte zingri zingrat ai lam ni a lapran hta Karai Kasang hpe hkrit hkungga ai hku sak hkrung lu na matu karum ya ai lam hpe San Petru madun dan nga ai.
“Hpang jahtum daw sha poi hta na la ai” dai ni na Kabu Gara Shiga hta, Yesu gaw shi a tsawra myit hkang da ai ga hpe madat mara ai sape ni hpe jaw na Chyoi Pra ai Wenyi kumhpa hpe tsun dan da nga ai. Shing rai, sadi dung ai kam sham ai ni gaw, shanhte a wenyi hta Kawa hte Kasha hte Chyoi Pra ai Wenyi a shingbyi shara hpe lu la na re.
Chyoi Pra ai Wenyi a magam: Karai Kasang a tara kasa
1) Chyoi Pra ai Wenyi gaw Yesu a sharin achyin ai lam ni hpe sharin ya nna, anhte a Makam masham hpe grau sung ai hku chye na la lu na matu anhte a myit masin hpe htoi tu shangun na re.
2) Divine Advocate gaw ra kadawn ai aten hta anhte a Makam masham hpe n-gun sha ja ya ai the makawp maga lu shangun na re.
3) Matsan mayan ni, machyi makaw hkrum ai ni, nta nlu ai ni, shingdu tawn da hkrum ai ni, n-gun n rawng ai ni, nanghpam lu sha ai ni, tara tawt lai ai ni hta pyi (“I was in prison…”), Yesu hpe chye ai, teng man ai Hkristan tsawra myit hpe hkrak hkan sa lu na matu lam madun ya na re (“I was in prison…”), dai hku nna mungkan hpe htinglu htinglai ya ai hte shamai shatsai ya ai ni tai wa lu na re.
Sharin la mai lam ni: 1) Wenyi makam masham prat hta ngang grin rawt jat galu kaba wa na matu Chyoi Pra ai Wenyi hpe hkap tau la nna, anhte hta Shi hpe galaw na ahkang jaw ra ai hte shani shagu Shi a karum shingtau lam hpe tam ra ai:
a) Anhte a arawn alai yubak mara ni kaw na gunglau ai lam ni hpe dang kau lu na matu hte mara galaw ai aten ni hpe koi lu na matu.
b) Anhte a shawng daw prat hta hkrum sha lai wa sai anhte a hkam sha lam ni, n hkru n kaja ai akyang lailen ni, roi rip ai lam amyu myu a majaw byin pru wa ai block ni hpe yeng seng kau nna, anhte a wenyi rawt jat galu kaba wa na matu.
c) Shani shagu mu hkrum nga ai masha yawng hta Yesu nga ai hpe chye na hkap la nna, shanhte hpe shagrit shanem ai, tsawra myit hte daw jau na matu.
d) Anhte a dinghku hte buga hpung kata na kaga masha ni hpe htinglu htinglai ya ai hte shamai shatsai ya ai ni tai wa na matu, anhte myit n pyaw shangun ai kaga masha ni kaw na mara raw ya ai lam hpyi nem ai hku nna, anhte a hkam sha lam hpe matut nna hkra machyi shangun ai, anhte hpe n kaja ai hku kanawn mazum ai kaga masha ni hpe chyeju hte mara raw ya ai.